პორზინგისმა მოთამაშეს $76,000-იანი ბილეთი გაუფუჭა და სანაცვლოდ მაისური გაუგზავნა (ვიდეო)
დალასის კალათბურთელმა, კრისტაპს პორზინგისმა საკრამენტოსთან მატჩში მოთამაშეს სასწაული ბილეთი გაუფუჭა, როდესაც ფარქვეშიდან ბურთი ვერ ჩააგდო ელემენტარულ სიტუაციაში. კრისტაპს ხელს არავინ უშლიდა.
მოგვიანებით გაირკვა, რომ მოთამაშეს 100 დოლარში ოთხი პოზიცია ჰქონდა გადაბმული, ოთხივე ინდივიდუალურ კალათბურთელზე, თუ ვინ აიღებდა თამაშში პირველ ორ ქულას.
სასწაულ ბილეთში ეწერა, რომ ჯეილენ ბრაუნი აიღებდა პირველ ორ ქულას კლიპერსთან, დევინ ბუკერი - ოკლაჰომასთან, რუდი გობერი - პორტლენდთან და პორზინგისი - საკრამენტოსთან…
ბრაუნიც, ბუკერიც და გობერიც, სამივე დაჯდა.
ნახეთ, რა ქნა პორზინგისმა…
წაგებული ბილეთი სოციალურ ქსელებში ვირუსულად გავრცელდა და ხმა დალასის კალათბურთელამდეც მივიდა. როგორც ჩანს პორზინგისი ძალიან შეწუხდა მომხდარი ფაქტით და მოთამაშეს თავისი ხელმოწერილი მაისური გაუგზავნა.
