ლებრონ ჯეიმსს ლას ვეგასში NBA-ს გუნდის შექმნა სურს
მსოფლიოში ყველაზე პოპულარულ კალათბურთელს, ლებრონ ჯეიმსს ახალი ფრენჩაისის შექმნა სურს.
მოგეხსენებათ, რომ ლებრონი სულ ახლახანს გადავიდა მილიარდერების სიაში და უნდა რომ საკუთარი გუნდი ჩამოაყალიბოს და ათამაშოს NBA-ში.
“მინდა რომ გუნდის მფლობელი ვიყო, მინდა რომ გუნდი ვიყიდო, მინდა რომ გუნდი მყავდეს ვეგასში” - ლებრონი HBO-სთან ინტერვიუში.
ბოლო დროს გავრცელდა ინფორმაცია, რომ NBA-ს კომისიონერი, ადამ სილვერი აქტიურად აპირებს ორი ახალი გუნდის დამატებას, რომლებიც ვეგასის და სიეტლის სახელებით იასპარეზებენ.
კალათბურთის გულშემატკივრების უმეტესობას ძალიან ახარებს ორი ახალი ფრენჩაისის შექმნა, სიეტლის გუნდს ალბათ კვლავ Super Sonics-ი დაერქმევა.
დღეს NBA-ს ორ კოფნერენციაში, დასავლეთში და აღმოსავლეთში 15-15 გუნდი თამაშობს. უნდა აღინიშნოს, რომ ქალაქი სიეტლი ჩრდილო-დასავლეთით მდებარეობს, ხოლო ვეგასი სამხრეთ-დასავლეთით, კალიფორნიასა და ნევადას საზღვარზე. ორივე გუნდის დასავლეთ კონეფერნციაში დამატება ალბათ გამორიცხულია, მაგრამ როგორ გადანაწილდებიან გუნდები ჯერ არ ვიცით.
მაგრამ მანამდე ჯერ კიდევ დიდი დროა, რადგან ლებრონ ჯეიმსი პენსიაში გასვლას ჯერ არ აპირებს.
