საკუთარი გუნდის წინააღმდეგ დადებული ფსონი
1980 წლის შემდეგ პირველად, ამერიკის ნაციონალურმა საფეხბურთო ლიგამ დასაჯა არიზონა “კარდინალსის” ფეხბურთელი ჯოშ შოუ.
გამოძიებამ დაადგინა, რომ შოუ ხშირად დებდა ფსონს სხვადასხვა გუნდებზე, თუმცა, ამჯერად, მან საკუთარი გუნდის წაგებაზე დადო. ლიგამ გაარკვია, რომ გუნდის სხვა მოთამაშეებმა და მწვრთნელებმა ამ ფაქტის შესახებ არაფერი იცოდნენ.
ჯოშ შოუს 2020 წლის ჩათვლით აეკრძალება ფეხბურთის თამაში.
2019 წლის მარტში, შოუმ 1 წლიანი, $895,000-იანი კონტრაქტი გააფორმა “კარდინალსთან”, თუმცა მხრის ტრავმის გამო ვერ გამოდიოდა მინდორზე სათამაშოდ.
