ახალი ვიდეო თამაში FIFA-ს და PES-ს კონკურენციას გაუწევს
25 აგვისტოს დაანონსდა, რომ გამოვა ახალი საფეხბურთო ვიდეო თამაში UFL, რომელიც FIFA-ს და PES-ის მსგავსი იქნება და პოპულარულ თამაშებს ბაზარზე კონურენციას გაუწევს.
YouTube-ზე გავრცელდა პრომო, ტრეილერი, სადაც ჩანს ლონდონის ოლიმპიური სტადიონი. ვრცელდება ინფორმაცია, რომ UFL ვესტ ჰემ იუნაიტედთან თანამშრომლობს.
ახალი თამაში Strikerz Inc-მა შექმნა.
ჯერჯერობით უცნობია თუ როდიდან ჩაეშვება ბაზარზე, მაგრამ იმის თქმა დანამდვილებით შეიძლება, რომ ახალი თამაში უფასო იქნება.
“ჩვენ ფეხბურთის გულშემატკივრები და ერთგული გეიმერები ვართ, საფეხბურთო ვიდეო თამაშებს უკვე წლებია, რაც ვთამაშობთ და ზუსტად ვიცით რა უნდა გავაკეთოთ და რა შევთავაზოთ მომხმარებლებს” - იუჯინ ნაშიკოვი, აღმასრულებელი დირექტორი
ცნობილია ისიც, რომ თამაშში 5,000 რეალური ფეხბურთელი იქნება.
