მოთამაშე ფედერერის კარიერაზე $127,300 იგებდა, მაგრამ მოულოდნელად გარდაიცვალა
2003 წელს როჯერ ფედერერმა კარიერაში პირველად მოიგო “უიმბლდონი”. იმავე წელს, მოთამაშემ, ნიკ ნიულაიფმა ტოტალიზატორში 1900 დოლარი დადო, რომ ფედერერი 2019 წლამდე 7-ჯერ მოიგებდა ბრიტანულ “გრანდ სლემს”, რასაც 67 კოეფიციენტი ჰქონდა.
ფედერერმა ნიკს 2012 წელს გაუმწვანა ბილეთი, როდესაც მეშვიდედ მოიგო “უიმბლდონის გრანდ სლემი”. თუმცა, სამწუხარო ფაქტი ისაა, რომ ნიკ ნიულაიფი 2009 წელს მოულოდნელად გარდაიცვალა და ვერ მოესწრო როჯერის მეშვიდე ჩემპიონობას.
მაგრამ, ნიულაიფმა მთელი თავისი ქონება და ჩოგბურთის ბილეთი “Oxfam”-ის საქველმოქმედო ფონდს დაუტოვა. 2012 წელს, მოგებული ბილეთით ფონდში 127,300 დოლარი ჩაირიცხა.
