საეჭვოდ დადებული 420,000 დოლარი ჯაკას ყვითელ ბარათზე
ერთი კვირის წინ მედიაში გავრცელდა ინფორმაცია გრანიტ ჯაკას საეჭვოდ მიღებულ ყვითელ ბარათზე და საქმეში გამოძიებაც ჩაერთო.
საუბარია 18 დეკემბერს ჩატარებულ ლიდსი-არსენალის მატჩზე, სადაც ჯაკამ ძალიან უცნაურად მიიღო გაფრთხილება.
ლონდონელები 86-ე წუთისთვის ლიდსში 4-1-ს იგებდნენ, როდესაც შვეიცარიელმა ფეხბურთელმა ჯარიმის გათამაშებას უჩვეულოდ დიდი დრო მოანდომა და დროის გაყვანის გამო მსაჯმა ბარათით გააფრთხილა.
გამოძიებამ ჯერჯერობით ის დაადგინა, რომ უცნობმა მოთამაშემ ბიტკოინით 420,000 დოლარი დადო მატჩის მე-80-ე წუთზე, რომ ჯაკა ყვითელს მიიღებდა. ზუსტად 6 წუთში გრანიტმა მოულოდნელი ბარათი მიიღო და მოთამაშეს ბილეთი გაუმწვანა.
თანხა ძალიან დიდია, თან ისიც გასათვალისწინებელია, თუ რატომ უნდა გაიყვანო დრო მაშინ, როდესაც 3 ბურთიანი უპირატესობით იგებ მატჩს, როდესაც მხოლოდ 4 წუთიღაა დარჩენილი, მითუმეტეს ლიდსთან.
გამოძიება გრძელდება.
