კინგსლი კომანი მაკლარენის მართვის გამო ბაიერნმა დააჯარიმა
მიუნხენის ბაიერნის ვარსკვლავი კინგსლი კომანი ვარჯიშზე აუდის მარკის მანქანის მაგივრად 200,000 ევროიანი მაკლარენით მივიდა და სავარაუდოდ კლუბი ფრანგს 50,000 ევროთი დააჯარიმებს.
2002 წლიდან აუდი ბაიერნის პარტნიორია. სპონსორის კონტრაქტში ერთ-ერთი მუხლი მიუნხენელ ფეხბურთელებს ავალდებულებს, რომ ბაიერნის ვარჯიშზე აუცილებლად აუდის მარკის ავტომობილებით უნდა გამოცხადდნენ.
23 წლის ფეხბურთელმა მოიბოდიშა და თქვა, რომ აუდის მანქანაზე გვერდითა სარკე აქვს გატეხილი და სწორედ ამიტომ მოუწია სხვა ავტომობილით სარგებლობა.
