“თუ სათამაშო ბიზნესი შეწყვეტს სპორტის დაფინანსებას მომიწევს ქვეყნიდან წასვლა” - ლევან საგინაშვილი
ქართველმა ცნობილმა მკლავიჭიდელმა, გოლიათმა ჰალკმა, ლევან საგინაშვილმა ტელეკომპანია ფორმულასთან ინტერვიუში ისაუბრა სათამაშო ბიზნესის შეზღუდვებზე.
მოგეხსენებათ, ლევან საგინაშვილის ხარჯებს ერთ-ერთი ცნობილი ქართული კაზინო ფარავს და ასპონსორებს ქართველ ჰალკს. შესაბამისად თუ სათამაშო ბიზნესი შეწყვეტს ქართულ სპორტში ფულის ჩადებას, ვეღარც საგინაშვილი მიიღებს დაფინანსებას კაზინოდან.
“თუ სათამაშო ბიზნესი შეწყვეტს სპორტის დაფინანსებას, ეს იქნება სპორტისთვის დამღუპველი... ან მომიწევს ქვეყნიდან წასვლა, ან სპორტისთვის საერთოდ თავის დანებება, რადგან პირადად მე სახელმწიფოსგან არანაირი დაფინანსება არ მაქვს და ვარ მხოლოდ სპონსორზე დამოკიდებული” - ლევან საგინაშვილი
ლაშა ტალახაძე - “სამწუხარო ფაქტი იქნება თუ რომელიმე მათგანს შეუწყდება დაფინანსება, რადგან ძალიან ბევრი სპორტსმენი მათი სულდგმულობს”
