მოთამაშემ 376,000 კოეფიციენტი გამოიცნო
დღეს ერთმა მოთამაშემ NBA-ს ორი პოზიციით სასწაული ბილეთი გაამწვანა. მოგეხსენებათ, გამთენიისას ფლეიოფების მორიგი შეხვედრები გაიმართა.
მამუკელაშვილის მილოუკი ბაქსმა ჩიკაგო ბულსს უმასპინძლა, 116-100 მოუგო და სერია 4-1 დახურა. აქვე გეტყვით, რომ გოლდენ სტეიტმაც მოუგო მეხუთე თამაში დენვერს და სტეფის გუნდიც გავიდა შემდეგ რაუნდში, თუმცა ყველაზე საინტერესო კი იმ მოთამაშის ბილეთია.
ორი პოზიციით კაცმა 376,000 კოეფიციენტი გამოიცნო. ცნობილი სპორტული გამოცემა Bleacher Report-ი აქვეყნებს ბილეთს, სადაც წერია, რომ მოთამაშეს მილოუკი-ჩიკაგოს ზუსტი ანგარიში, 116-100 უწერია და ის, რომ თამაშში პირველ ბურთს იანის ანტეტოკუნმპო ჩააგდებს.
მოთამაშეს ამ ორ პოზიციაზე და 376,000 კუშზე მხოლოდ და მხოლოდ 5 ცენტი ედო და 18,800 დოლარი მოიგო.
