ჩრდილოეთ კაროლინელმა მამის დღეს ჯეკპოტი მოიგო
ჩრდილოეთ კაროლინელმა, 64 წლის ჯონ როჯერსმა მამის დღეს 2 მილიონი დოლარი მოიგო.
პენსიონერ გამარჯვებულს ყოველთვის უყვარდა აზარტი და მაღაზიაში შესულმა გაიფიქრა კიდეც, რომ მამის დღეს იღბალი ჩემს მხარეს იქნებაო. მართლაც ასე მოხდა. მისტერ როჯერსმა 20 დოლარიანი გადასაფხეკი ბილეთი იყიდა და სასწაული ჯეკპოტი დაეცა.
“ბილეთის ყიდვის დროს გავიფიქრე, რომ ეს ჩემი დღე იქნებოდა. ჩემს თავს მივულოცე მამის დღე 2 მილიონი დოლარით” - ჯონ როჯერსი.
გამარჯვებული ამბობს, რომ მოგებული თანხით ვალებს დაფარავს, ნაწილ თანხას უბნის ეკლესიას შესწირავს, დაეხმარება ნათესავებს, ცოლს კი ჰავაიზე დასასვენებლად წაიყვანს.
“ჩემს ცოლს ყოველთვის ვეუბნებოდი, რომ ერთ დღეს მდიდრულად დავასვენებდი ჰავაიზე და აუცილებლად ავუხდენ ოცნებას” - როჯერსი ინტერვიუში.
