მთვრალი მსაჯი ბელორუსიის ჩემპიონატში
ფეხბურთის მატჩის ყურებისას, ალბათ, ბევრჯერ გვითქვამს ხუმრობით, ეს მსაჯი მთვრალი ხომ არ არის, რეებს აკეთებსო.
2007 წელს, სერგეი შმოლიკი ბელორუსიის წლის საუკეთესო მსაჯად აღიარეს. 2008 წელს კი სერგეი მთვრალი მსაჯობდა ვიტებსკი-ნაფტანსის მატჩს ბელორუსიის პრემიერ ლიგაში.
ხალხმა ეჭვი შეიტანა მის სიფხიზლეში, იმიტომ რომ შმოლიკი 90 წუთის განმავლობაში მოედნის ცენტრს არ გაცდენილა და იქიდან აძლევდა მითითებებს ფეხბურთელებს. მთელი მატჩის მანძილზე სერგეი იდგა ერთ ადგილას და მსაჯობდა ღიღინ-ღიღინით.
თამაშის შემდეგ არბიტრს ტესტი ჩაუტარდა და დაუდგინდა მაღალი რაოდენობით ალკოჰოლი ორგანიზმში. ბელორუსიის ფეხბურთის ფედერაციამ მსაჯს ლიცენზია ჩამოართვა.
