ყველაზე ცნობილმა შულერმა, რიჩარდ მარკუსმა რულეტკაზე მოიგონა უნაკლო მეთოდი -  “სავანა”. სახელწოდება საყვარელი სტრიპერისგან აიღო. 

მეთოდი “სავანა”

თავდაპირველად, რიჩარდი საკმაო თანხას აგებდა და მთვრალ მოთამაშეს განასახიერებდა დილერის ნდობის მოსაპოვებლად. 

როცა გარშემო ყველა დაიჯერებდა, რომ მთვრალი რიჩარდ მარკუსი განწირული იყო დიდი თანხის წასაგებად, ამ დროს, ირთვებოდა მისი უტყუარი მეთოდი - “სავანა”.

რულეტკაზე, რამდენიმე რიცხვზე დებდა 2-2 ჩიპს ისე, რომ დილერს არ დაენახა ქვედა ჩიპის ღირებულება. ზემოდან აუცილებლად 5 დოლარიანი იდო, ხოლო მის ქვეშ 5000 დოლარიანი ჩიპი იმალებოდა. 

თუ ფსონს წააგებდა, მთვრალი და გაბრაზებული რიჩარდი ჩიპებს უკან იღებდა, უსწრაფესად ქვედა 5000 დოლარიანს 5 დოლარიანი ჩიპით ცვლიდა და დილერს ცხვირწინ უყრიდა.

მოგების შემთხვევაში, რა თქმა უნდა, ჩიპებს უცვლელად ტოვებდა და ეჭვი რომ არავის შეპარვოდა გიჟივით დახტოდა.

ამ მეთოდით რიჩარდ მარკუსმა ათასობით დოლარი მოიგო. ყველაზე საინტერესო კი ის არის, რომ ვერცერთმა კაზინოს დაცვამ ვერ დაიჭირა. მოგვიანებით რიჩარდმა თავის მეთოდზე წიგნი გამოსცა და ამის შემდგომღა გაიგო მსოფლიომ მისი გენიალური სტრატეგია. დღესდღეობით მარკუსი ერთ-ერთ კაზინოში მუშაობს შულერებზე დამკვირვებლად.