პიტერ ედვარდსმა 50 ფუნტი დადო, რომ მისი 18 თვის შვილიშვილი უელსის ნაკრებში ითამაშებდა

სპორტის მოყვარული პაპა-ბებიები ოცნებობენ, რომ ნახონ თავიანთი შვილიშვილები ტელევიზორში და უგულშემატკივრონ მათ. თუმცა უელსელი პიტერ ედვარდსი ძალიან აზარტულად გაიჭრა.

პიტერმა 50 ფუნტი დადო, რომ ერთ დღეს მისი შვილიშვილი, ჰარი უილსონი უელსის საფეხბურთო ნაკრებში ითამაშებდა. ფსონის დადების დროს ჰარი 18 თვის ბავშვი იყო.

2013 წლის ოქტომბერში, უელსის ნაკრებს ბელგიასთან ჰქონდა შეხვედრა მსოფლიოს შესარჩევისთვის. მატჩი ფრედ 1-1 დასრულდა, თუმცა პიტერ ედვარდსმა 125,000 ფუნტი მოიგო, რადგან 87-ე წუთზე ჰალ რობსონ კანუს ნაცვლად მოედანზე 16 წლის ჰარი უილსონი შემოვიდა.

პიტერ ედვარდსის შვილიშვილმა გარეტ ბეილის რეკორდი მოხსნა. 16 წლის ჰარი უილსონი ყველაზე ახალგაზრდა მოთამაშე გახდა უელსის ნაკრების ისტორიაში.