მოთამაშემ თანხა წააგო, ბანკი გაძარცვა და კაზინოში დაბრუნდა
2017 წელს, იანვარში, 52 წლის კერი ჯონსონი დასავლეთ ვირჯინიას ერთ-ერთ კაზინოში ბლექჯეკს თამაშობდა.
როცა ჯონსონმა მთელი თანხა წააგო, დილერს სთხოვა, მის ადგილზე არავინ დაესვა, ბანკში ფულს მოხსნიდა და მალე დაბრუნდებოდა.
კერი ჯონსონი მართლაც ადგილობრივ ბანკში მივიდა, თუმცა ბარათზე არცერთი ცენტი არ ედო. მოლარეს დაემუქრა, რომ ბომბით ააფეთქებდა ბანკს თუ ქეშს არ მისცემდა.
ჯონსონსონმა 5000 დოლარი მიითვისა, რის შემდეგაც დაბრუნდა იმავე კაზინოში და განაგრძო თანხის წაგება.
იმ დღესვე, კერი ჯონსონი პოლიციამ დააკავა. მოგვიანებით გაირკვა, რომ დამნაშავე ნარკოტიკების აქტიური მომხმარებელი იყო, თუმცა, სასამართლოში მსგავსი თავის მართლება არ ჭრის.
