გეიმერმა ცერა თითის ტრავმა მიიღო და კარიერა დაასრულა
25 წლის პროფესიონალმა გეიმერმა, ტომას პაპარატომ, რომელსაც მოთამაშეები იცნობენ როგორც ZooMaa-ს, ცერა თითის ტრავმა მიიღო და კარიერა დაასრულა.
ტომასმა Twitter-ზე განაცხადა:
“ეს ყველაზე რთული გადაწყვეტილებაა ჩემს ცხოვრებაში და ყველაზე რთულად დასატვიტია. სამწუხაროდ, Call of Duty-ს პროფესიონალურ დონეზე ვეღარ ვითამაშებ”.
პაპარატო პენსიაში გასვლამდე New York Subliners-ში თამაშობდა. 8 წლიან კარიერაში 87 ჩემპიონატი ითამაშა და 387,019 დოლარი გამოიმუშავა.
2018 წლის აპრილში, ტომასმა კარიერაში ყველაზე დიდი პრიზი 53,125 დოლარი აიღო ერთი ტურნირიდან, Call of Duty: World War II-ის შეჯიბრზე.
ZooMaa:
“ძალიან მწყდება გული რომ ჩემ საყვარელ საქმეს უნდა ჩამოვშორდე. 8 წლის მანძილზე გეიმერობაში სული და გული მაქვს ჩადებული”.
ამერიკელი მოთამაშე დიდი ხანი ებრძოდა ცერა თითის ტრავმას, რომელიც რამდენიმე წლის წინ FaZe-ს კლანში თამაშის დროს მიიღო. ოპერაციის ჩატარების შემდეგ კი ისეთი ეფექტური ვეღარ იყო და ამიტომაც დაასრულა კარიერა.
პროფესიონალი გეიმერები დღეში 10 საათს მაინც ვარჯიშობენ, რაც ფიზიკურად და მენტალურად დიდ დატვირთვას მოითხოვს.
