3 ყველაზე დიდი ფსონი გუშინდელ Super Bowl-ზე
დღეს დილას Super Bowl-ი გაიმართა, სადაც კანზას სიტი Chiefs-ი ტამპა ბეი Buccaneers-ს დაუპირისპირდა.
მატჩი ტამპა ბეიმ 31-9 მოიგო და ლეგენდარულმა, 43 წლის ტომ ბრედიმ მეშვიდე ბეჭედი მოიპოვა.
ამერიკული ფეხბურთი სუპერ პოპულარული სპორტია და უდიდესი ფსონებიც იდება, განსაკუთრებით ფინალზე.
ყველაზე დიდი ფსონი გუშინ დილას შევიდა. მოთამაშემ 1,160,000 დოლარი კანზას სიტიზე დადო.
მეორე უდიდესი ფსონი 2 თებერვალს დაიდო, 520,000 დოლარი, ასევე კანზასის მოგებაზე.
მესამე ადგილზე გავიდა 6 თებერვალს დადებული 330,000 დოლარი, რომელსაც ასევე კანზას სიტი Chiefs-ის მოგება უნდოდა, თუმცა სამივე ბილეთმა წააგო.
კიდევ იყო საინტერესო ფსონები. მაგალითად 28 იანვარს, ერთმა მოთამაშემ კანზასის სემი უოტკინსზე დადო, რომ მათი ვაიდ რესივერი Super Bowl-ის MVP გახდებოდა, რასაც 201 კოეფიციენტი ჰქონდა, თუმცა საუკეთესოდ ტომ ბრედი დასახელდა, რომელმაც კარიერაში მეხუთედ მოიგო MVP-ის ტიტული.
