თუ ერთხელ მაინც ხარ ნამყოფი კაზინოში ან სლოტ-კლუბში, აუცილებლად დააფიქსირებდი ისეთ ადამიანებს, რომლებიც ისე იქცევიან თითქოს სახლში არიან, შენი მეგობრები არიან და ზოგადად, ყველაფერი მათია გარშემო. ამ სტატიაში მაგ ადამიანების 5 ძირითად ტიპაჟს გაგაცნობ. ამ ტიპის ადამიანების გარეშე არ არსებობს არცერთი კაზინო. მაშ ასე, დავიწყოთ:

1. „აგერ ძმა, ამ აპარატზე 10 000 წავაგე წეღან და შეგიძლია 5 ლარი მაჩუქო?“ - აი ამ ტიპებს ქვიათ „შინაურები“. სულ იქ არიან, სულ ეგეთ ისტორიებს ყვებიან და სულ ისე იქცევიან თითქოს სახლში არიან

2. ნერვიული იგროკი - „ნახე, ნახე ოთხი შვიდიანი დამაკლო.... შენი დედის ფოთლები ჩამოვყარე....“  ეს ტიპები სულ ასე ყვირიან, ხმაურობენ, აპარატებს წიხლებს ურტყამენ, ძირითადად 20-40 თეთრიან ფსონებზე თამაშობენ და ყველას ნერვებს უშლიან გარშემო. მათ შორის დაცვასაც.

3. ნერვიული ჯიგარი - ეს ადამიანები ჩუმად დადიან, ჩუმად მოგიჯდებიან გვერდით და უცებ ბრახ! შენზე მეტად იწყებენ ნერვიულობას - შენ თამაშობ, ისინი ნერვიულობენ. „ნახე სად გაგიხვრიტა ბრაატ“ მათი საყვარელი ფრაზაა. ისინი რჩევებსაც არ იშურებენ - სამჯერ გაუჩერე და მოიტანს უეჭველი... თუ რამე მოიგებ აუცილებლად უნდა აჩუქო ხუთლარიანი

4. იდუმალი კაცი - მთელ დარბაზში დადის, ისეთ აპარატებთან ჯდება გარშემო რომ არავინაა და ძალიან დიდ ფსონებზე თამაშობს. მასზე მეტი არავინ არაფერი ვიცით

5. შეყვარებული ტიპი - გოგოსთან ერთადაა, გოგოს ერთ აპარატთან დასვამს და თვითონ სხვაზე მიდის. გახურებული თამაშობს და შიგადაშიგ მთელი კაზინოს გასაგონად თავის გოგოს ეძახის - „რა ქენი, წააგე უკვე? მოვიდე ჩაგირთო? ვაა ბონუსია? მიდი მიდი გაუზარდე, ფული არაა პრობლემა“. არსებობს შეყვარებული ტიპების ქვეკატეგორიაც - ისიც გოგოსთან ერთად მოვიდა, მაგრამ ზის და თამაშობს, გოგონა კი ფეხზე დგას აპარატის გვერდით და ელოდება.