დღეს მსოფლიო ჩემპიონატის შესარჩევი ტურია. საქართველოს საკალათბურთო ნაკრები ახალ დარბაზში ნიდერლანდებს უმასპინძლებს. მატჩს დიდი დატვირთვა აქვს. ჩვენმა ნაკრებმა აუცილებლად უნდა მოიგოს დღევანდელი შეხვედრა. 

მსოფლიო ჩემპიონატზე მოსახვედრად ასეთი კარგი შანსი არასდროს გვქონია. მოგეხსენებათ, რომ ბოლო ჯგუფურ ეტაპზე დავუპირისპირდებით ისეთ ნაკრებებს, რომლების დამარცხებაც რეალურად შეგვიძლია. 

განრიგი:

• 24 აგვისტო: საქართველო - ნიდერლანდები
• 27 აგვისტო: იტალია - საქართველო
• 11 ნოემბერი: ისლანდია - საქართველო
• 14 ნოემბერი: საქართველო - იტალია
• 23 თებერვალი: ნიდერლანდები - საქართველო
• 26 თებერვალი: საქართველო - ისლანდია

ჩვენი მიზანია მოვიგოთ მინიმუმ ოთხი თამაში. საქართველოს ნაკრები სავარაუდოდ ნიდერლანდებს და ისლანდიას ორივე თამაშს მოუგებს (სახლი/გასვლა) და ჩვენი ქვეყნის დამოუკიდებლობის ისტორიაში პირველად გავალთ მსოფლიო ჩემპიონატზე. 

დღეს, ბუკმეიკერების აზრით, აშკარა ფავორიტები ვართ და მოგებაზე მინიმალურ კოეფიციენტს, 1.08-ს გვაძლევენ. ჩვენს გამარჯვებაში ეჭვი არავის ეპარება.

საქართველოს ნაკრების საშინელი სერიის შემდეგ, აჯობებს რომ გვერდში დავუდგეთ ნაკრებს და ვანახოთ თუ როგორ შეგვიძლია გულშემატკივრობა!