ტოტალიზატორს მანჩესტერ იუნაიტედის ვალი აქვს
გიბრალტარში დაფუძნებულ ონლაინ ტოტალიზატორს, MoPlay-ს მანჩესტერ იუნაიტედის ვალი აქვს. გადასახდელი თანხა 12 მილიონ ფუნტს შეადგენს.
MoPlay დაარსდა 2018 წელს. გენერალურ დირექტორად დაინიშნა იურგენ როიტერი, რომელიც William Hill-ში აღმასრულებელი დირექტორის თანამდებობაზე მუშაობდა. ხოლო, ახალი ტოტალიზატორის COO-დ აიყვანეს Ladbrokes-ის ბეთინგ დირექტორი პატრიკ ჯეი.
2018 წლის აგვისტოში, MoPlay გახდა ინგლისური ფეხბურთის გრანდის, მანჩესტერ იუნაიტედის ოფიციალური ბეთინგ პარტნიორი.
რამდენიმე თვეში ტოტალიზატორმა, ასევე, დადო ხელშეკრულება პრემიერ ლიგის კიდევ ერთ გუნდთან, უოტფორდთან.
თუმცა, 2019 წლის სექტემბერში იუნაიტედმა უჩივლა MoPlay-ს, რადგან ტოტალიზატორი არ უხდიდა “წითელ ეშმაკებს” კონტრაქტით გათვალისწინებულ თანხას. ვალი, როგორც ზემოთ ვახსენეთ, 12 მილიონ ფუნტს შეადგენს.
უოტფორდთან კი 1,500,000 ფუნტი მართებთ.
