კაზინოში ქალი ჯერ დააპატიმრეს, მერე მოუბოდიშეს და 300 000 დოლარი გადაუხადეს
Fremont კაზინო, ნევადას სათამაშო კომისიამ (NGC) “არასწორი დაპატიმრებისათვის” 300 000 დოლარით დააჯარიმა.
საქმე იმაშია, რომ დაცვამ, ერთ-ერთ ქალბატონს, რომელიც 200 დოლარით იყო კაზინოში შესული და სლოტებს თამაშობდა, მის გვერდითა აპარატთან მჯდომი უცხო მამაკაცის ფულის მოპარვა დააბრალა. დაცვის თანამშრომლებმა ქალს ბორკილები დაადეს და პოლიციის მოსვლამდე სპეციალურ ოთახში გამოკეტეს.
შემდგომი ძიებისას გაირკვა რომ დაპატიმრებული სრულიად უდანაშაულო იყო და თავისუფლება უკანონოდ ჰქოდა აღკვეთილი. კაზინოს ხელმღვანელობამ საჯაროდ მოუბოდიშა დაზარალებულს. მორალური და ფიზიკური ზიანის ასანაზღაურებლად კი ქალბატონს 300 000 დოლარი გადაუხადეს.
თუმცა, როგორც საღამოს მთავარი გმირი აცხადებს, ის აუცილებლად აპირებს სასამართლოში ჩივილს და კაზინოსთვის მეტი თანხის მოთხოვნას - "ეს მხოლოდ დასაწყისია, მათ ბევრად მეტი ჯარიმის გადახდა მოუწევთ"
