ავიარეისის გაუქმების გამო ქალმა მილიონი მოიგო
51 წლის ქალბატონმა, ანჯელა კარაველამ, რომელიც კანსას სიტიში ცხოვრობს, ფლორიდაში 1 მილიონიანი ჯეკპოტი მოიგო.
ანჯელა ამბობს, ავიარეისი რომ არ გადადებულიყო, არ იყიდდა ლოტოს ბილეთს და ვერასდროს მიიღებდა ამხელა თანხას.
მოგეხსენებათ, ფლორიდას შტატში ხშირადაა ქარიშხალი და შესაბამისად ფრენებიც უქმდება. ქალბატონი კარაველა მაიამიდან სახლში ბრუნდებოდა, როდესაც გაუარესებული ამინდის გამო შეიტყო ინფორმაცია და გაბრაზებულმა გართობა გადაწყვიტა.
რა უნდა გაგახსენდეს პირველ რიგში ადამიანს, როდესაც შვებულებაში ხარ?! თამაში და გართობა! ამიტომაც წავიდა ანჯელა უახლოეს ჯიხურთან, იყიდა გადასაფხეკი ბილეთი, გადაფხიკა და მილიონი მოიგო. ბედი ხომ გინდა?!
გამარჯვებული ამბობს, რომ მთელ თანხას მოგზაურობასა და დასვენებაში დახარჯავს, რადგან ზუსტად შვებულების დროს მოიგო ფული.
