მდუმარე ბერმა ჯეკპოტი მოიგო და ხარჯვას უკვე შეუდგა
ცხოვრებაში ერთხელ მაინც ყველას გვიოცნებია ჯეკპოტზე. სავარაუდოდ ყველას გადაგვითვლია ხარჯები, თუ რაში გამოვიყენებდით მოგებულ მილიონებს.
აი, ტალიანდელმა მდუმარე ბერმა კი 500,000 დოლარი მოიგო ქალაქ ნაკონ ფანომში, სადაც 3 ბილეთი შეიძინა.
ყველაფერი რამდენიმე დღის წინ მოხდა, როდესაც ბერმა 18 მილიონი ტალიანდური ბაჰტი მოიგო, რაც 500,000 ამერიკული დოლარია. მდუმარემ წერილობით გადმოსცა თუ რაში დაიხარჯება მოგებული. ტაილანდელს სურს, რომ მთლიანი თანხა გაჭირვებულებს დაურიგოს და მოგებულს უწოდა - ფული, რომელიც ანგელოზებს ეკუთვნის.
ბერმა უკვე დაარიგა 45,000 დოლარი ადგილობრივ მოსახლეობაზე. თავიდან ის 15-15 დოლარს აძლევდა თითოს, ხოლო შემდეგ შეამცირა და 6-6 დოლარის დარიგება დაიწყო, რადგან მსურველები არ ილეოდნენ.
თქვენ რაში დახარჯავდით მოგებულ 500,000 დოლარს?
