საქართველოში ვაქცინირებულები ფულადი პრიზებით დასაჩუქრდებიან
ორშაბათიდან საქართველოში ვაქცინაციის წამახალისებელი ლატარია იწყება. ამის შესახებ უწყებათაშორის საკოორდინაციო საბჭოსთან არსებული ოპერაციული შტაბის უფროსმა, გიორგი ღიბრაძემ, უწყებათაშორისი საკოორდინაციო საბჭოს სხდომის შემდეგ გამართულ ბრიფინგზე განაცხადა.
შემთხვევითი შერჩევით, (რენდომად) ლატარიის კომპანია ყოველდღიურად გაათამაშებს ფულად ჯილდოებს აცრილებისთვის.
ლატარიის კომპანიის უფროსის თქმით გათამაშების ბიუჯეტი 2,800,000 ლარს შეადგენს, რომელიც გათამაშდება ყოველდღე.
ყოველდღე გათამაშდება 100-დან 500 ლარამდე. ყოველკვირეულად გათამაშდება 1,000, 1,500, 5,000 და 10,000 ლარის ოდენობის ჯილდო.
ხოლო შემაჯამებელი გათამაშება იქნება წლის ბოლოს და მისი საპრიზო ფონდი იქნება 100 000 ლარი.
