ირაკლი ღარიბაშვილს ონლაინკაზინოების აკრძალვა სურს
საქართველოს პრემიერ-მინისტრმა, ირაკლი ღარიბაშვილმა მთავრობის სხდომაზე განაცხადა, რომ კაზინოების აკრძალვა სურს.
კონკრეტულად კი თქვა, რომ პირველ ეტაპზე გაიზრდება გადასახადი და ბიუჯეტში უფრო მეტი ფული შევა ონლაინკაზინოებიდან, აიკრძალება რეკლამა და ასაკობრივი ზღვარი, ბარიერი აიწევს 25 წლამდე.
“პირველ ეტაპზე, ვფიქრობთ, რომ გავზარდოთ გადასახადები, აიკრძალოს რეკლამა და 25 წლამდე ავწიოთ ბარიერი. მეორე ეტაპზე კი საერთოდ უნდა აიკრძალოს ონლაინკაზინოები. ეს ხედვა მაქვს. მზად ვარ, ამის შესახებ ღიად ვისაუბრო და იმედი მაქვს, რომ ამ მიმართულებით საზოგადოების მხარდაჭერა იქნება. პარლამენტთან აქტიურად ვიმუშავებთ და ერთობლივად ოპტიმალურ, გონივრულ გადაწყვეტილებას მივიღებთ“ - განაცხადა ირაკლი ღარიბაშვილმა.
