ამ სათაურის გაგონებაზე, უმრავლესობას ესპანური ელ-კლასიკო გაახსენდება. ბუნებრივია, ბარსელონას და რეალს ყველაზე მეტი გულშემატკივარი ყავს მთელ მსოფლიოში. ამ სტატიაში ნახავთ სხვა დაპირისპირებულ გუნდებსაც. 

რეინჯერსი - სელტიკი

დავიწყოთ შოტლანდიური დერბით. ამ გუნდების გულშემატკივრებს არა მარტო განსხვავებული საფეხბურთო გემოვნება აქვთ. რეინჯერსის და სელტიკის ფანები პოლიტიკური ხედვითაც არიან დაპირისპირებულები. სელტიკის მხარდამჭერები კათოლიკეები არიან, ხოლო რეინჯერსის გულშემატკივრები - პროტესტანტები. 

ბოკა ხუნიორსი - რივერ პლეიტი

შემდეგი, ჩვენს სიაში, არგენტინული სუპერკლასიკოა. მატჩის დროს სტადიონზე ნახავთ გიგანტურ დროშებს და ბანერებს. ეს უბრალოდ ფეხბურთი არაა. ბუენოს აირესელი გულშემატკივრების ატმოსფერო ცალკე სიამოვნებაა.

რომა - ლაციო

რომში ფეხბურთი ძალიან უყვართ, მაგრამ გულშემატკივრები ორად არიან გაყოფილი. რომა-ლაციოს დაპირისპირების დროს, რა თქმა უნდა, ფეხბურთელებსაც გადაედებათ ხოლმე ფანების აგრესია, ამიტომ ხშირად ნახავთ უხეშ ჯარიმებს და ყვითელ-წითელ ბარათებს.

მანჩესტერი - ლივერპული

ყველაზე წარმატებული გუნდები ინგლისის ფეხბურთის ისტორიაში. როცა ისინი ერთმანეთს ხვდებიან, არ აქვს მნიშვნელობა რომელი კლუბი როგორ ფორმაშია. ძნელია გამოიცნო მატჩის შედეგი. 

“ამ თამაშის გამო უბანში ბიჭები საკუთარ…”

რეალი - ბარსელონა

ელ კლასიკო. ფეხბურთის ნამდვილი მშვენება. ამ მატჩს ის ხალხიც უყურებს ვისაც ფეხბურთი საერთოდ არ აინტერესებს.

პარტიზანი - რედ სტარი

აღმოსავლეთ ევროპაში ერთ-ერთი საოცარი დაპირისპირება და საუკეთესო ატმოსფერო სტადიონზე.

ფენერბახჩე - გალათასარაი

თურქული საკლუბო ფეხბურთი დღითიდღე პროგრესირებს. ფანებიც ხელს უწყობენ თავიანთ გუნდებს და საოცარ ატმოსფეროს ქმნიან სტადიონზე.

ფლამენგო - ფლუმინენსე

ბრაზილიური ფეხბურთის სტილი ნებისმიერ ფეხბურთის გულშემატკივარს მოეწონება. შემტევი და სანახაობრივი, რაც, სამწუხაროდ, დღეს იშვიათობაა. უბრალოდ, დიდი მადლობა “ფლა-ფლუს”

მილანი - ინტერი

დერბი დელა მადონინა. ყველას გვენატრება მილანური კლუბების დიდება და გული გვწყდება მათ დღევანდელ მდგომარეობაზე. თუმცა, დერბი, მაინც თავის ხიბლს ინარჩუნებს, რაც აუცილებლად საყურებელ მატჩების სიაში შედის.