მანჩესტერი 4-0 ლივერპული (მიმოხილვა)
გუშინ ტაილანდში ინგლისური გრანდები და ისტორიული მეტოქეები დაუპირისპირდნენ. მანჩესტერ იუნაიტედმა და ლივერპულმა ამხანაგური შეხვედრა გამართეს აზიის ტურში, სადაც ორივე კლუბს მილიონობით გულშემატკივარი ჰყავს.
ბანგკოკში რაჯამანგალას სტადიონზე ერიკ ტენ ჰაგის გუნდმა 4-0 გაანადგურა იურგენ კლოპის თერთმეტეული. მართალია კლოპი თამაშის დასრულების შემდეგ ირონიულად იცინოდა და არ თვლიდა ამ მატჩს გუნდების საზომად, თუმცა მაინც უხერხულია ისტორიულ მეტოქესთან დიდი ანგარიშით მარცხი.
ახლად დანიშნული ნიდერლანდელი სპეციალისტისთვის კი ძალიან კარგი სტარტია. მანჩესტერის გულშემატკივრებს ტენ ჰაგის დიდი იმედი აქვთ და სავარაუდოდ გაამართლებს კიდეც მოლოდინებს აიაქსის ყოფილი თავკაცი.
გოლები სანჩომ, ფრედმა, მარსიალმა და ფაკუნდო პელისტრიმ გაიტანეს.
