ფსონი ბრიტანეთში ყველაზე მახინჯ ადამიანზე
ოპერის მფლობელი ჯონ ჰაიდეგერი მე-17-ე საუკუნეში ლონდონში გადავიდა საცხოვრებლად და უმალ მოიპოვა ყველაზე მახინჯი ადამიანის სტატუსი მთელ ბრიტანეთში, რითაც ჰაიდეგერი ძალიან ამაყობდა.
ლორდ ჩესტერფილდმა ჯონს შესთავაზა სანაძლეო, რომ იპოვიდა მასზე უფრო მახინჯ ინდივიდს ქვეყნის მასშტაბით, რაზეც ოპერის მფლობელი დათანხმდა.
ლორდმა დაიწყო ჯონზე უფრო მახინჯი ადამიანის ძებნა და იპოვა კიდეც ქალი ლონდონის ერთ-ერთ უბანში, რომელიც, მისი აზრით, ჰაიდეგერზე უფრო უშნო იყო.
დანიშნეს შეხვედრა, დააყენეს ორი ადამიანი გვერდიგვერდ. ლორდი ჩესტერფილდი გამარჯვებაში დარწმუნებული იყო, მაგრამ სანამ ჟიური საბოლოო განაჩენს გამოიტანდა ჯონ ჰაიდეგერმა ქალს ქუდი მოხადა და თვითონ დაიფარა. ამ დროს, ჰაიდეგერის შემხედვარე გოგონას უცებ გული წაუვიდა და შესაბამისად გამარჯვება ოპერის მფლობელს დარჩა.
