კაცი კომადან გამოვიდა, გადარჩენის აღსანიშნავად ბილეთი გადაფხიკა და $250,000 მოიგო
ავსტრალიელი ბილი მორგანი საშინელ ავტოავარიში მოყვა. ექიმები მორგანის ოჯახის წევრებს იმედს ვეღარ აძლევდნენ. ყველას ეგონა, აუცილებლად გარდაიცვლებოდა. ბილი 12 დღის განმავლობაში კომაში იყო, მაგრამ სასწაულებრივად გამოვიდა კომადან და განაგრძო ცხოვრება.
მისი იღბალი აქ არ მთავრდება. გადარჩენის აღსანიშნავად ბილი მორგანმა ლოტოს გადასაფხეკი ბილეთი იყიდა და 25,000 დოლარი მოიგო. როდესაც ადგილობრივმა მედიამ გაიგო ამ ფაქტის შესახებ, ჟურნალისტებს ისე მოეწონათ მისი ისტორია, რომ სიუჟეტის გაკეთება გადაწყვიტეს იღბლიან ბილზე. გადაღებების დროს, ბილს თხოვეს, რომ ლოტოს ბილეთის გადაფხეკვის სცენა ახლიდან გაეთამაშათ. მორგანი, რა თქმა უნდა, დათანხმდა. მოუტანეს ბილეთი, გადაფხიკა და ამჯერად 250,000 დოლარი მოიგო.
