Gucci Mane, Drake და NBA-ზე დადებული 100 000 დოლარი
NBA-ს წინა სეზონის აღმოსავლეთ კონფერენციის ფინალში ერთმანეთს მილოუკი ბაქსი და ტორონტო რეპტორსი დაუპირისპირდნენ, სადაც კავაი ლეონარდის რეპტორსმა სერიებში 4-2 დაამარცხა იანისის მილოუკი ბაქსი.
როგორც გაირკვა, ორ ცნობილ რეპერს, გუჩი მეინს და დრეიკს დადებული ჰქონდათ ნიძლავი. დრეიკი, რა თქმა უნდა, რეპტორსის სასარგებლოდ ჩამოვიდა ფსონს, ხოლო, მეინი კი - ბაქსის. წაგებულ მხარეს უნდა გადაეხადა 100,000 დოლარზე მეტი და საყვარელი კალათბურთელის მაისურიც უნდა დაეთმოთ.
- გუჩი მეინი: “დიახ, დიდი ფული წავაგე, ექვს ნიშნა რიცხვი, ჩემი საყვარელი მაისურიც მიმატანინეს, იმიტომ რომ, ფულთან ერთად, წაგებულს, მაისურიც უნდა დაეთმო.“
- ჯეილენ როუზი: “თქვენ რეალურ დიდ ფულზე თამაშობთ ბიჭებო, როცა ამბობთ 6 ნიშნას, უნდა ვიგულისხმოთ 100,000 თუ 500,000?“
- გუჩი მეინი: “მომისმინე, ეს იყო ექვს ნიშნაზე მეტი და მოვრჩეთ ლაპარაკს. შემდეგ სეზონში ამოვიღებ თანხას.“
ასე რომ, დიდი ბიჭების თამაში დიდ თანხებზე გრძელდება, ჩვენ კი დაველოდოთ როგორ განვითარდება მოვლენები.
