ჩინელმა ბავშვმა პატრულში დარეკა და მოთამაშე მშობლები ჩაუშვა
სამხრეთ-დასავლეთ ჩინეთში, სიჩუანის პროვინციაში მდებარე ქალაქ მეიშანში მცხოვრებმა ბავშვმა პოლიციაში დარეკა და სამართალდამცავებს შეატყობინა, რომ მისი მშობლები მეგობრებთან ერთად მაჯონგს თამაშობდნენ.
საქმე იმაშია, რომ ქალაქში კორონავირუსია გავრცელებული და მთავრობა მოსახლეობას შინ დარჩენისკენ მოუწოდებს.
როდესაც ბავშვმა დაინახა სტუმრები, აიღო ტელეფონი და დედ-მამის მეგობრების სახლიდან გასაყრელად დარეკა პატრულში.
დღესდღეობით, პატარა ქალაქში აკრძალულია ქორწილები და მსგავსი ხალხმრავალი ღონისძებები. მეიშანში 170-ზე მეტი ადამიანია კორონავირუსით დაავადებული.
ასე ზრუნავს პატარა ჩინელი თავის მშობლებზე და თავის თავზეც.
