მოთამაშე, რომელმაც 900,000 ფუნტს ერთი კათხა ლუდი ამჯობინა
უამრავი უცნაური ისტორია გვსმენია მოთამაშეებზე, მაგრამ ეს ამბავი ერთ-ერთი გამორჩეულია.
ეს უცნაური, სასაცილო თუ ტრაგიკული შემთხვევა 1995 წელს მოხდა. 18 წლის ბიჭი, რომელიც კენტში ცხოვრობდა მეგობართან ერთად ბარში ლუდს მიირთმევდა, რა დროსაც დაწესებულებაში ლატარიის “არაოფიციალური” სინდიკატის წარმომადგენლები შემოვიდნენ და 50 ფუნტად მომგებიანი ბილეთი შესთავაზეს ჩვენი ისტორიის მთავარ გმირს.
18 წლის კენტელმა ბიჭმა არ დაუჯერა აფერისტებს და იგივე თანხით, 50 ფუნტით ბარში ლუდები შეუკვეთა. მისმა მეგობარმა, რომელიც სიმთვრალისკენ იყო წასული, ამოიღო 50 ფუნტი, მისცა სინდიკატის წარმომადგენლებს და გამოართვა ლატარიის ბილეთი, რომელმაც მეორე დრეს 900,000 ფუნტი მოიგო.
ალბათ გაუმართლა კიდეც 18 წლის ბიჭის მეგობარს, ისე ვინ მოგყიდის აბა 50 ფუნტად ლატარიის ბილეთს, რომელიც 900,000 ფუნტს მოიგებს?
ფაქტი ფაქტად რჩება, ლატარიაში გამარჯვებულმა დიდი სახლი და ახალი მანქანა შეიძინა, მისმა მეგობარმა კი რამდენიმე კათხა ლუდი.
