იდრისა გეიემ LGBT ფერებში გაწყობილი მაისურით თამაშზე უარი თქვა
გასულ შაბათს საფრანგეთის ჩემპიონატის ბოლო ტურში მონპელიემ პსჟ-ს უმასპინძლა და 0-4 განადგურდა. პირველი დუბლი გაიფორმა ლეო მესიმ ლიგა 1-ში, მესამე გოლი დი მარიამ შეაგდო ხოლო ბოლო - მბაპემ.
ბოლო ტურის მატჩში ერთი საინტერესო ფაქტი დაფიქსირდა. სენეგალელმა ფეხბურთელმა და პსჟ-ს სასტარტო თერთმეტეულის წევრმა, სენეგალელმა იდრისა განა-გეიემ უარი თქვა განაცხადში მოხვედრაზე, რადგან ბოლო ტურში, ლიგა 1-ის გუნდები LGBTQ თემის მხარდასაჭერად მათ ფერებში გაწყობილი მაისურებით უნდა გამოსულიყვნენ მოედანზე.
პარიზელების მწვრთნელმა, მაურისიო პოჩეტინომ კი განაცხადა, რომ იდრისას არ ჰქონდა ტრავმა და ის პირადი მიზეზის გამო ტოვებდა მატჩს.
L'Équipe-მ და Le Parisien-მა კი თავიანთ სტატიებში დაწერეს, რომ იდრისა განა-გეიემ წინა სეზონშიც გამოტოვა ის მატჩი, როდესაც კლუბები სოლიდარობას უცხადებდნენ LGBTQ თემს. იდრისამ წინა სეზონში მუცლის ტკივილი მოიმიზეზა.
