მაკაუს კაზინოებმა კორონავირუსის გამო 1 მილიარდი დოლარით იზარალეს
ჩინეთში, მაკაუს რეგიონში, რომელიც სათამაშო ინდუსტრიის დედაქალაქია, კაზინოებმა კორონავირუსის გამო 1 მილიარდი დოლარით იზარალეს.
ვირუსის გამო დროებით დაკეტილია კაზინოები, რომელმაც ქალაქის ეკონომიკა საგრძნობლად აზარალა.
ჩინეთში კორონავირუსით ათასობით ადამიანია ინფიცირებული.
ყოველწლიურად მაკაუს შემოსავალი 29 მილიარდი დოლარია. ზუსტად 2 კვირაში კი კაზინოებმა 1 მილიარდ დოლარზე მეტი ზარალი ნახეს.
კაზინოების დედაქალაქმა ჩინეთში, მხოლოდ ერთხელ, 2018 წელს შეწყვიტა მუშაობა, როდესაც ტაიფუნი დაატყდა თავს.
ამჯერად კი ქალაქში დროებით დაკეტილია 41 კაზინო, კინოთეატრები, ღამის კლუბები, ბარები.
