საოცარი ფსონი გერმანია-ესპანეთის მატჩზე
2010 წლის მუნდიალზე, სამხრეთ აფრიკაში, ბევრი დასამახსოვრებელი ფაქტი მოხდა. ყველას გვახსოვს ლამპარდის არჩათვლილი გოლი გერმანიის ნაკრების წინააღმდეგ. კარის ხაზიდან ლუის სუარესის ხელით მოგერიებული ბურთი, ვუვუზელასგან ჩახშობილი ატმოსფერო სტადიონზე.
თუმცა, 2010 წლის მსოფლიო ჩემპიონატზე კიდევ ერთი დაუჯერებელი ფაქტი დაფიქსირდა.
ერთმა უცნობმა მოთამაშემ, ჩემპიონატის დაწყების წინ ფსონი დადო, რომ ნახევარფინალში ერთმანეთს გერმანია-ესპანეთი შეხვდებოდა და გამარჯვება ბუნდეს ნაკრებს დარჩებოდა.
ალბათ ყველამ იცით, რომ 1/2ფინალში, მართლაც შეხვდა ერთმანეთს გერმანია-ესპანეთი, თუმცა უცნობ მოთამაშეს მატჩის შედეგმა “გაუტეხა”.
პირველი ტაიმი ფრედ, 0-0 დასრულდა. მაგრამ, მეორე ტაიმში, კარლეს პუიოლმა ულამაზესი გოლი გაუტანა ბუნდეს ნაკრებს და ესპანეთი ფინალში გაიყვანა.
დღემდე უცნობია, თუ რა თანხა ედო მოთამაშეს ამ ორ პოზიციაზე, მაგრამ, როგორც მოგვიანებით გაირკვა, მოგების შემთხვევაში ტოტალიზატორს 413,000 ფუნტის გადახდა მოუწევდა.
