ხურდა ფულით მოგებული ჯეკპოტი
მაღაზიებში, მარკეტებში ხშირად აგვიღია ხურდა ფულის ნაცვლად საღეჭი რეზინი, გაზეთი, ასანთის შეკვრა ან სხვა სახის პროდუქტები.
აი, 41 წლის მეთიუ სპოლდინგმა ვესტ ბლუმფილდის ბენზინგასამართ სადგურში 5 დოლარიანი ხურდის ნაცვლად ერთი ცალი ლატარიის ბილეთი აიღო და იმ საღამოს $107,590 მოიგო.
“მანქანას საწვავით ვავსებდი, როდესაც კლერკმა 5 დოლარის ხურდა დამიბრუნა. ავზის შევსებამდე იქვე მდგარ ჯიხურს მივაშურე და გამყიდველს ლატარიის ერთი ცალი ბილეთი გამოვართვი. საღამოს ტელევიზორთან წამოწოლილმა შევიტყვე, რომ 107,000 დოლარი მქონდა მოგებული და სიხარულისგან არც კი ვიცი რა დამემართა. მოგებულ ფულს შევინახავ შავი დღისთვის!”
მგონი მართალია კაცი, შავი დღისთვის $107,590 იმდენია, რომ ალბათ ერთი სული აქვს როდის დაუდგება შავი დღე.
